Tuesday, September 17, 2013

30 حاجة .. هعملهم قبل ما أموت

دول 30 حاجة -بإذن الله- هعملهم قبل ما أموت.
الترتيب هنا حسب اللي جه في دماغي، مش هعمل إيه قبل إيه.

  • أختم القرآن.
  • أتجوز اللي بحبها.
  • أشتغل حاجة بحبها
  • أروح مع منتخب السويس ماتش برة مصر.
  • أحضر ماتشين للأرسنال، واحد في ملعب الإمارات مع أي فريق، وواحد في الوايت هارت لاين مع توتنام.
  • أحضر نهائيات كاس عالم مع منتخب مصر في أي سنة.
  • أزور المتبقي من الـ27 محافظة في مصر اللي ما زورتهمش.
  • أنجح الـ3 سنين الجايين من غير ما أشيل أي حاجة.
  • أشوف التوب 250 فيلم بتوع موقع IMDB.
  • أعمل Road Trip من إسكندرية لسيناء او لأسوان.
  • أروح من السويس إسكندرية بالعجلة.
  • أحضر 3 ماتشات ديربي من الديربيات الكتير اللي بحبها.
  • أتعلم العوم.
  • أركب طيارة.
  • أزور فلسطين.
  • أزور ألاسكا في الشتا.
  • أزور اليابان.
  • أزور فينيسيا وأركب فلوكة من اللي فيها دول.
  • أزور دول الشمال الأفريقي.
  • أزور المنطقة الحمراء في أمستردام.
  • أشوف الـNorthern Lights.
  • أزور غابة في أفريقيا.
  • أتسلق جبل.
  • أشوف بركان على الطبيعة.
  • أعمل Camping في أي صحراء.
  • Sky Diving.
  • أجيب كلب.
  • أتعلم أعزف ع السمسمية.
  • أرقص مرة Salsa ومرة Tango.
  • أطرطر لحد في الشوربة ويشربها من غير ما يعرف.
الحاجات اللي هعملها هعلم عليها بالأحمر بعد ما اعملها.

Wednesday, February 20, 2013

الدرس التاريخي للدكتور عبد الله بدر


تم رفع الدرس على موقع رفع ومشاهدة الفيديوهات الشهير "يوتيوب" بتاريخ 29-11-2012 تحت عنوان "رد الدكتور عبد الله بدرعلى المهددين بعدم نزول مليونية تأييد الرئيس واساليبهم" على قناته الخاصة المسماة drbartv


ومن ثم يبدأ الدكتور عبد الله في درسه مسترجلاً ولا يستعن بأية اوراق .. وإليكم :التفريغ الكتابي للدرس التاريخي


"هقول كلمتين قبل ما اقوم، هقول كلمتين قبل ما اقوم، طبعاً الكلاب اللي ال.. وبقولها بملئ فيهي اهو، الكلاااااب اللي مش عايزين لا لمصر تقف على قدميها، ولا لشرع ربنا يسود، شوية الجرابيع اللي قاعدين في ميدان التحرير اللي بيغتصبوا البنات، آه السفلة اللي بيغتصبوا البنات وبقولها بملئ فيهي.. تلاتين بنت جردوهم من ملابسهم في ميدان التحرير، طبعاً بنت واطية، إيـ.. ما هي رايحة هناك عشان كدة، هي دي ليها.. اللي قاعدة هناك دي ليها اهل يلموها؟ اللي قاعدة هناك دي ليها اهل يلموها؟ ما ملهاش اهل يلموها، هي راحة عشان كدة، ملهاش اهل يلموها، وشوية سفلة، لصوصية، مبرشمين، شوية كلاااااب قاعدين هناك ملهمش اي لازمة .. هو مين اللي هناك يا عم؟ مين اللي هناك! هأ الفنانين والفنانات؟ دة واحدة من الفنانات اللي إسمها ليلى علوي حبت تعمل بطلة وتنزل تقف وسطيهم ميدان التحرير مرمطووووها، كان فاضلها تكة وتطلع من ميدان التحرير حامل، عشان تبقى فاهم يعني.. بس، إتفرجوا ع النت وانتم تعرفوا.

شوية سفلة شوية سفلة شوية جرابيع لا ملة ولا دين ولا أي حاجة وعشان كدة قولت مش هما دول اللي هيفرضوا إرادتهم علينا، هي المعركة دلوقتي معركة تحدي-آه والله- ما بين حق وبااااطل.. عشان كدة بقى مش عايز اللغة المايعة اللي انا بسمعها بقى! .. اصل ممكن يعملوا، اصل ممكن يسووا، يا أخي }ما لَكُمْ إِذا قِيلَ لَكُمُ انْفِرُوا فِي سَبِيلِ اللَّهِ اثّاقَلْتُمْ إِلَى الأَرْضِ{ يا راجل عيب عليكم! .. اما تبقى شوية جرابيع زي دول هما اللي هيخوفونا وهيـ.. هيقلقونا او هما اللي هيغيروا مصير البلد او هما اللي هيلووا دراع اللي بيحكمها دي تبقى خلااااااااص، هزُلَت على رأي ولاد البلد، يبقى القوالب نامت والـ... مش الانـ.. دة ما حصلوش إنصاص، محصلوش إنصاص، هاه والوساخات قامت.

يا راجل! فيه إيه؟ فيه إيه؟ .. إحنا نازلين مليونية يوم السبت وبقولها بملئ فيهي اهو، هنحددها لسة في التحرير في غير التحرير، قولنا التحرير هنروح التحرير، انا بعلن بملئ فيهي اهو، إحنا مفيش في نيتنا نإذي حد، انا بقول اهو لكن اللي هيرمشلنا، هنخرمله عينه، وانا بقولها بملئ فيها اهو، اللي هيرمشلنا إحنا مش هنإذي حد، اللي هيرمشلنا هنخرمله عينه بس.. لن نسمح لأي كلب يتطاول علينا، خلاص؟ .. إحنا نازلين عاملينها سلمية ناس محترمين، لكن وقت الجد بالبرطوشة، وبقولها بملئ فيهي بالبرطوشة، خلاص؟

وانا بقولكم والله اللي مش هينزل واللي مش هيتأسد في الايام اللي جاية دي، واخد بالك؟ يروح يغطي نفسه بالكوفرتة ويجيب والدته تعيط عليه –آه والله-  لن تقوم لنا قائمة ومش هما دول زي ما قولتلك، اصل بقى إيه وشغل الحريم بقى وإوعي تخلي إبنك وإوعي تخلي اخوكي وإوعي تخلـ... أمال هنبقى رجالة إمتى؟ اما ما تخليش إبنك واخوكي، هنبقى رجالة إمتى؟ هتبقوا رجالة إمتى؟ ليه؟ ولمين؟ وخايفين من مين يعني؟ وليه؟ إيه دول يعني؟ وبقولها بملئ فيهي اهو.

*صوت كلام من احد حاضري الدرس* وحياة غلاوتك هيحصل، هيـ.. ما تقلقش يا حاج، هيحصل متخافش, لاااااا ما هيحصل، ما انا بقولك اهو انا بقولك اهو، انا كمان هلفت نظركوا لحاجة بقى، هلفت نظركوا لحاجة والله انا هلفت نظركوا لحاجة، ما هو فعلاً إحنا في زمن محتاجين فيه رجال، عايزين فيه رجال والله، وهما لما يشوفوا رجال هيتلموا، ودلوقتي لعلمك بدأت لغتهم يعنـــي أمبيرهم يهبط كدة واخد بالك وفيهم اللي نخنخ كدة، لما يبقى فيه رجال لما يبقى فيه رجال يعني انا من بعد مااااا مثلاً آااااا اعلنت على الحافظ دة يوم التلات وقولتها بلمئ فيهي ولا ليهم اي لازمة عندنا بالجزمة القديمة.

قالك لما نهته يعني، بدأوا يكلموني في التليفون خلي بااااالك، خلي بالك مين يا روح امك! .. لا ياخويا انا مش مخلي اعلى ما في خيلك إركبه، اللي بيكلمني بقوله كدة، يا روح أمك اعلى ما في خليك إركبه، خلي بالك مين يابني، يابني دة انا السجون بر.. دابت من من مننا، السجون دابت مننا، اخلي بالي من مين يا سافل يا جربان يا يا يا جرذ إنت.. واخد بالك، ولما لقوا الرد كدة خلاص قفـ.. مبقوش يتكلموا تاني، خدوا على دماغ ابوهم، قال فاكر لما يقوللي خلي بالك، يااااااه خلاص غطوني والحقوني الحقوا.. لا يا بابا مبخافش، آه هيهي، لا يا بابا مبخافش، مبخافش من حد، فانا بعلنها برضه عشان تنزلوها ع النت، شوية الجربانين اللي فاكرين يعني لما يبعتلي كام تليفون، على كام مش عارف ميسد ع التليفون، هرتعش لأ لو راجل اطلعلي ياللا، وريني كدة هتعمل إيه، فالناس دي مش عارفانا كويس، ما انا كنت ملاكم قديم يعني متخافش، فالكلام دة ما يفرقش معايا ولا الهوا ولا الهوا.

والله الذي لا إله إلا هو، وإحنا في في السجن، وبحلف بالله، والاخ يمكن إسمه عاطف حسني اللي يقابله يبقى يسأله، اما قالوا هيجيبولنا في السجن قوة ضاربة، فانا بسأل قوة ضاربة يعني إيه؟ كنت اول مرة اتعرض لدة، قالولي دة بيجيبوا بتوع أمن مركزي وخوذ وبتاع مش عارف إيه ويفتحوا علينا الزنازين ويضربونا، فسألوني: نعمل إيه؟ نعمل إيه؟ كانت فتوتي في السجن كدة قولتلهم قاتل ومقتول كدة على طووول مبـ.. قاتل ومقتول وجت الشرطة في يومها هو ربنا يعني سلم العـ... طبعاً كنا كل واحد فينا بقى مظبط نفسه وسنينا المعالق، واخد بالك كدة، يعني ما هي دي كدة، هنخاف من مين يابني؟ إنت فاكر نفسك آااا، كلمني في التليفون خلي بااااالك، لا مش مخلي بالي ياخويا وريني هتعمل إيه مش هخلي ياخويا، ما بخليش يا حبيبي انا بقى، انا مع الله، اعلى ما في خيل ابوك واللي خلفوك -وبقولهالهم ونزلوهالهم ع النت- إبقى إركبه إبقى إركبه، آه طبعاً لأن انا موقن بدة }قُلْ لَنْ يُصِيبَنَا إِلَّا مَا كَتَبَ اللَّهُ لَنَا{ بس خالص ما تفرقش معايا.

عشان كدة انا برضه قولت، لأن نما إلى علمنا بقى إن هما كمان هيخترقوا المساجد الايام اللي جاية دي، ما احنا شايفين بقى إن احنا عمالين ندعو الناس ونعمل الـ... والـ.. والمسجد هو هيـ.. هيحرك الناس فاتفقوا على اتفاق إن كل مسجد هيزرعوا فيه اتنين تلاتة عشان تبقوا عارفين الكلام دة وانا قولت الكلام دة ع الهوا، هيزرعوا فيه اتنين تلاتة، يقوم مثلاً هيجيلك خطيب الجمعة مثلاً بتاع بكرة، ماهو مش هيقدر يعمل دة في الدرس بتاعي، نفسي ييجوا الاتنين تلاتة دول وانا قاعد والله نفسي يطلعوا نفسي نفسي عشان دي هتكون نهايتهم إن شاء الله، لكن اقو.. عـ... يقوم يطلع الخطيب يكلم وخلي بالكم واقفوا جنب رئيس الدولة ومش عارف إيه وإنزلوا المليونية، يقوم بعد ما يخـ.. يخلص جمعة يقوم طالع الاتنين تلاتة إيه مش عارف إيه والتاني يقول إيه، يعملوها فورتينة بين الناس.

انا بقولكم خلوا بالكم من دول، وبقول للشباب الحلو اول ما يطلع الاتنين التلاتة دول بالحبال، حطوا في كل مسجد شوية حبال، بالحبال اربطوهم على أي عمارة خلاص، لحد ما يبانلهم صحاب ونعرف دول تبع مين، فيه حد من الاتنين تلاتة هنا؟ يا ريت واحد يطلع، انت؟؟ .. ياللا يا اخوننا، سبحانك اللهم بحمدك، نشهد ألا إله إلا أنت، نستغفرك ونتوب إليك، وزي ما قولتلكوا كدة، اللي عايز يروح يقول الرأي الآخر، يروح يقوله في ميدان التحرير هناك، اما احنا هنا فزي ما قولتكوا كدة، اللي هيحاول يعمل فورتنية هيكون جزاءه يتربط على أي عمارة برة"

تم الانتهاء من التفريغ الكتابي لدرس الشيخ عبد الله بدر حتى يستفيد منه الجميع

Tuesday, May 29, 2012

سطور من ديواني الادبي القادم

اخدت قرار إمبارح على تويتر إني هبقى شاعر وكاتب خواطر وتتطور الأمر إلى إني فكرت في إصدار اول ديوان يحمل إسم "يوميات عاشق ولهان وفي الاخر إتخان" .. السطور الجاية دي هستعرض فيها جزء من المحتوى الادبي اللي هيتضمنه الديوان.

الخواطر:-


- جلست مستلقية على ظهرها.. تفكر فيه بشغف وتتذكر ايامها معه، تتذكر همساته ولمساته .. وإذ فجأة بكلاب ضالة تهاجمها فاخدت ديلها في سنانها وجريت.
تحاوره في الهاتف وتستمتع بنسمات الصباح ممسكة بكوب نسكافيه، صدمها بكلمة الوداع فوقع النسكافيه على غسيل الجيران وهما كانوا غاسلين فانلات و سلـبّات بيضا.

الشعر :-

من بعدك حياتي ملهاش لازمة .. ومشاكل كتيرة وأزمة .. راجعة تاني تقولي بحبك .. طب مشيتي ليه يا بنت الجزمة ؟
اتحملت معاكي كتير .. خروجات وسندوتشات وعصير .. وانا كنت دايماً بحاسب .. طب ليه بتقولي فيه تقصير ؟
سيبيني في حالي انا نسيتك .. وهنسى كمان إني حبيتك .. مش عايز اشوفك تاني .. كشمتبكشمتسلكتش ـيتــك.
لأ يا فاجرة انا مش هرجعلك .. ولا يمكن تاني اسمعلك .. ولا هضيفك ع الفيسبوك .. والمسدجات مش هتشفعلك.
قولتي خطوبة وشبكة ومهر .. عارفة مرتبي كام في الشهر ؟ .. ولما عارفة يا بنت المرة .. إيه لزمتها قطم الضهر !
فاكرة اول يوم شوفتك فيه .. فاكرة انا كنت بعمل إيه .. ايوة انا كنت بيكي بتحرش .. اصلي بحبك هعمل إيه !
لأ يا صايعة، لأ يا ضايعة يا بنت الكلب .. انا مش راجع، والله ما راجع، انا مبقاش فيا قلب.
بعدك عني خلاني على نار .. وكنت في طريقي للإنتحار .. لو ما رجعتيش تاني تحبيني .. هدلق على وشك مية نار.

كفاية كدة عشان ما ابقاش حرقت اجزاء كتير من محتوى الديوان

Thursday, April 19, 2012

عن جمعة الوحدة المزعومة - لا تصالح


-لا تصالح من اللي إتبرؤوا من مظاهرات 25 يناير وقالوا مش هنشارك واللي قالوا حرام اصلاً.
-لا تصالح اللي قعدوا مع عمر سليمان قبل تنحي مبارك.
-لا تصالح اللي ضحكوا ع الناس في الاستفتاء وقالولهم قولوا نعم عشان المادة التانية وهي مش في الاستفتاء اصلاً.
-لا تصالح اللي قالوا علينا بلطجية وممولين وبناخد ترامادول..إلخ عشان يوصلوا للكراسي ويضحكوا ع الناس بإسم الاستقرار والدين.
-لا تصالح اللي شافوا ست البنات بتتعرى في التحرير وقالوا إيه اللي وداها هناك ولابسة عباية بكباسين.
-لا تصالح اللي قعدوا يخوفوا الناس من يوم 25 بمخططات الاناركية و"بانديتا"
-لا تصالح اللي قالوا إن الثورة خلصت وياللا نحتفل بيها يوم 25 ولما كنا بنهتف ضد العسكر كانوا بيشغلوا قرآن.
-لا تصالح اللي إيديهم إتهرت تسقيف للمجلس العسكري في مجلس الشعب في أول جلسة بعد ما الكتاتني شكره.
-لا تصالح اللي شافونا بنتقتل في الشوارع وبنتخرطش وبتروح عينينا وكان كل اللي بيعملوه لجنة تقصي حقائق.
-لا تصالح اللي إتكلموا ع الوحدة اول ما مصلحتهم وقف المجلس العسكري في طريقها (ترشح ابو إسماعيل - تشكيل الدستور)، وإعلم إن لو مصالحهم رجعت مع العسكر هيبيعونا تاني.
-لا تصالح اللي بيفتكر الثورة بمزاجه لما يكون عايزها ويبيعها بمزاجه ولكم في قانون عزل الفلول بسبب خوفهم من عمر سليمان عبرة.
-لا تصالح اللي قالوا إن الميدان ملوش لازمة خلاص وإن الشعب إنتخبهم وهم وحدهم من لهم الشرعية.

مش نازل بكرة وهقعد في بيتنا اتفرج عليكم وإحتمال اعمل فشار كمان، وهبقى مرتاح إني مش واقف مع اللي سكت على قتل علي ماهر ومحمد محسن وشهداء محمد محمود وشهداء مجلس الوزراء وبورسعيد عشان خايف على كرسيه.
مش نازل بكرة عشان انا مش أداة في إيدهم، يخوفوا بيا العسكر في قدرتهم على الحشد عشان يوصلوا لمصالحهم.

Wednesday, January 18, 2012

عن حركة الاولتراس المصرية



البداية :-
كانت بداية حركة الاولتراس في مصر في ربيع عام 2007 بظهور مجموعتي اولتراس اهلاوي و اولتراس وايت نايتس وتوالت من بعدهم المجموعات كالديفلز واليلو دراجونز والجرين ماجيك والجرين إيجلز وفدائيو السويس.

معوقات وملاحقات :-
لأن كما يعرف الجميع أن عقلية الاولتراس تدعو للحرية ورفض الظلم وهذا لم يعجب النظام السابق فـ إبتدى بشن حملات إعلامية موجهة ضد مجموعات الاولتراس بوصفهم مخربين بل و وصل الامر بعضو الحزب المنحل احمد شوبير بوصفهم بالكفار مدمني المخدرات والخمور وعلى صعيد أخر فـ استمرت الملاحقات خارج وداخل المدرج والجدير بالذكر عند إقتحام مبنى امن الدولة في مدينة نصر وجدت ملفات خاصة بقيادات مجموعات الاولتراس المصرية.

الاولتراس والموضة :-
كعادة المجتمع المصري يعشق الموضة فانجذب الشباب نحو تلك الظاهرة الجديدة المسماة بالاولتراس هؤلاء الابطال الخارقين الذي يتحاكى الجميع عنهم.
يعتبر اعضاء مجموعات الاولتراس المنضمين لمجرد ان يضع صورته بالتي شيرت على فيسبوك ويتباهى به بين اقرانه هم آفة حركة الاولتراس المصرية فهؤلاء يسفهون الحركة ويفرغونها من مضمونها لتصبح مجرد صورة وبضعة هتافات جوفاء.

إزدهار الحركة :-
الحركة المصرية إزدهرت بشكل كبير في وقتنا هذا عن ما ابتدت عليه فيمكنك مقارنة الدخلات والاغاني في اول سنتين للحركة في مصر بما هي عليه الآن.
ابدعت المجموعات المصرية في تنفيذ دخلات الكوريوجرافي ( الجلاد ) ليس فقط من حيث الشكل ولكن ايضا من ناحية المضمون بعد انا كان الاعتماد على التيفوهات المرسومة فقط، ومن الاغاني القصيرة ذات المعاني السطحية إلى اغاني طويلة تحمل معاني ودلالات قوية وإبتدت ثقافة الجرافيتي تغزو الشوارع والحوائط في شتى ربوع مصر بالاضافة إلى قيام المجموعات بإنتاج إسطوانات تحمل أغاني المجموعة لتحقق الانتشار بين الجماهير.
ويحسب للمجموعات الصمود حتى الآن في مواجهة القمع والتعنت الامني، فلم يتغير شيئاً بعد الثورة، كل ما تغير كان هو الكاب فبعد ان كان اسود اصبح احمر او مموه.

الاولتراس والثورة :-
منذ اول يوم لظهور مجموعات الاولتراس في مصر وهي تتبنى شعار Ultras No Politics  
نتيجة لعدة إعتبارات منها ان بعض اعضاء المجموعات لا تعنيهم السياسة فقررت المجموعات تنحية الموضوع جانباً حتى لا يتم الزج بأعضاءها في قضايا سياسية هم لا يدركوها من الاساس ولأن المجموعة الواحدة تتنوع بداخلها توجهات اعضاءها السياسية فهناك اليمين واليساري والليبرالي فاصبح من الصعب انا تتبنى المجموعة توجه سياسي واحد.
افراد الاولتراس شاركوا في الثورة بصفتهم كمواطنين مصريين ولا يجوز الحديث على ان جميع من ينتمون للحركة شاركوا، فـ مجموعات الاولتراس مثلها كمثل اي تكتل مجتمعي تجد بداخله الثوري والكنبة وايضاً الفلول.

الاولتراس والميديا :-
تعتبر وسائل الاعلام من الد اعداء الحركة في العالم على وجه وليست في مصر فقط.
فمن المعروف ان الميديا منحازة للسلطة وتخدم مصالحها والسلطة دائما ما تريد قمع الحريات وكذلك الميديا هي سبب عزوف الجماهير عن الذهاب للملاعب فأصبحت فكرة توافق مجموعات الاولتراس مع الميديا اشبه بفكرة ان الجيش حمى الثورة.

ناقوس خطر:-
عرفت مجموعات الاولتراس في السنتين الماضيتين تحول مهم في سير الحركة المصرية الا وهو الشغب المفرط بين المجموعات وبعضها واصبح الامر شبيه بعملية البلطجة.
فـ المعروف عن مجموعات الاولتراس انها لا تهاجم ولكنها ترد الهجوم فقط ولكن في مصر اصبح الموضوع يتجه للهوليجانيزم اكثر فاكثر وقد شهدت الحركة في الفترة الماضية مواجهات دامية بين المجموعات خلفت عشرات الاصابات وقد نفاجئ يوماً بخبر مقتل احد اعضاء المجموعات بسبب مواجهة ضد مجموعة اخرى وحينها سوف تكتب اول صفحات النهاية للحركة في مصر.
..........

في النهاية أتمنى ان تستمر مسيرة حركة الاولتراس في مصر وتزدهر اكثر ويصبح لدينا مجموعات قوية يتحاكى عنها العالم ونحاول ان نتحاشى ما يُمكنه ان يوخر من مسيرة الحركة في مصر او يضرها.